అన్నమయ్య కీర్తన
ఊరికే దొరకునా ఉన్నతోన్నత సుఖము
సారంబు దెలిసికా జయము చేకొనుట
తలఁపు లోపలి చింత దాఁటినప్పుడు గదా!
అలరి దైవంబు ప్రత్యక్షమౌట,
కలుషంపు దుర్మదము గడచినప్పుడు గదా!
తలకొన్న మోక్షంబు తనకుఁ జేపడుట
కర్మంబు కసటువోఁ గడచినప్పుడు గదా!
నిర్మల జ్ఞానంబు నెరవేరుట,
మర్మంబు శ్రీహరి నీ మఱఁగు చొచ్చినఁ గదా!
కూర్మిఁ దన జన్మ మెక్కుడు కెక్కుడౌట
తనశాంత మాత్మలోఁ దగిలినప్పుడు గదా!
పనిగొన్న తన చదువు ఫలియించుట
ఎనలేని శ్రీ వేంకటేశ్వరుని దాస్యంబు
తనకు నచ్చినఁ గదా దరిచేరి మనుట
(సంపుటం-౦2, సంకీర్తనం-1౦4)
No comments:
Post a Comment