మా దురితములు వాపి మమ్ముఁగాచుటరుదా
శ్రీదేవిరమణుఁడు శ్రీ వేంకటేశ
అంబరీషుఁ బైకొన్న ఆపదలన్నియుఁ బాపి
బెంబడిఁ గాచే నీచే పెను చక్రము
అంబరాననున్న ధ్రువ నజ్ఞానమెల్లఁ బాపె
పంచి నీ చేతనుండిన పాంచజన్యము
పక్కన జరాసంధు బలమెల్ల నుగ్గాడి
నిక్కము మధురనిల్పె నీచే గదా
తొక్కి హిరణ్యకశిపుఁ దునిమి ప్రహ్లాదుఁ గాచె
నిక్కి నిక్కి మెరిచేటి నీ ఖడ్గము
విడరావణునిఁ జంపి విభీషణునిఁ గాచె
చిడుముడి పడక నీచే శార్ జ్ఞము
మేడమీక శ్రీ వేంకటేశ నేఁడు నన్నుఁ గాచె
బడిబడి నీ నామ పఠన నేఁదిదిగో
(సంపుటం - 3, సంకీర్తన-434)
